ಐಪಿಎಲ್ ನಲ್ಲಿ ದುಬಾರಿ ಮೊತ್ತ ಪಡೆದ ಬೆನ್ನಲ್ಲೆೆ ಅಬ್ಬರಿಸಿದ ಮ್ಯಾಕ್ಸ್ವೆಲ್

ಐಪಿಎಲ್ ನಲ್ಲಿ ದುಬಾರಿ ಮೊತ್ತ ಪಡೆದ ಬೆನ್ನಲ್ಲೆೆ ಅಬ್ಬರಿಸಿದ ಮ್ಯಾಕ್ಸ್ವೆಲ್

ಮೆಲ್ಬೋರ್ನ್: ಗುರುವಾರ ನಡೆದಿದ್ದ 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಹರಾಜು ಪ್ರಕ್ರಿಯೆಯಲ್ಲಿ 10.75 ಕೋಟಿ ರೂ. ಗಳಿಗೆ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಕ್ಕೆೆ ಪಾಲಾದ ಶುಭ ಸುದ್ದಿಯ ಬೆನ್ನಲ್ಲೆೆ ಗ್ಲೆೆನ್ ಮ್ಯಾಕ್ಸ್‌‌ವೆಲ್ ತವರಿನಲ್ಲಿ ನಡೆಯುವ ಬಿಗ್ ಬ್ಯಾಷ್ ಲೀಗ್‌ನಲ್ಲಿ 39 ಎಸೆತಗಳಲ್ಲಿ 83 ರನ್ ಚಚ್ಚಿ ಸುದ್ದಿ ಮಾಡಿದ್ದಾರೆ. ಮಾನಸಿಕ ಸಮಸ್ಯೆೆಯಿಂದ ಸಂಪೂರ್ಣ ಚೇತರಿಸಿಕೊಂಡು ಸ್ಪರ್ಧಾತ್ಮಕ ಕ್ರಿಕೆಟ್‌ಗೆ ಮರಳಿದ ಆಸ್ಟ್ರೇಲಿಯಾ ಸ್ಟಾರ್ ಆಲ್‌ರೌಂಡರ್ ಗ್ಲೆೆನ್ ಮ್ಯಾಕ್ಸ್‌‌ವೆಲ್, ಮೆಲ್ಬೋರ್ನ್ ಸ್ಟಾರ್ಸ್ ಪರ ಅಬ್ಬರದ ಬ್ಯಾಟಿಂಗ್ ಮಾಡುವ ಮೂಲಕ ರನ್ ದಾಹ ತೀರಿಸಿಕೊಂಡಿದ್ದಾರೆ. ಇವರ ಈ ಇನಿಂಗ್ಸ್‌‌ನಲ್ಲಿ 7 ಬೌಂಡರಿ ಹಾಗೂ 5 ಸಿಕ್ಸರ್‌ಗಳು ಒಳಗೊಂಡಿವೆ. ಮೆಟ್ರಿಕನ್ ಕ್ರೀಡಾಂಗಣದಲ್ಲಿ ಕೇವಲ 23 ಎಸೆತಗಳಲ್ಲಿ ವೈಯಕ್ತಿಕ ಹಳೆಯ ಅತಿ ವೇಗದ ಅರ್ಧಶತಕವನ್ನು ಸರಿದೂಗಿಸಿದರು. ಇವರ ಅಬ್ಬರದ ಬ್ಯಾಟಿಂಗ್ ನೆರವಿನಿಂದ ಮೆಲ್ಬೋರ್ನ್ ಸ್ಟಾರ್ಸ್ ತಂಡ, ಬ್ರಿಸ್ಬೇನ್ ಹೀಟ್ ವಿರುದ್ಧ ನಿಗದಿತ 20 ಓವರ್‌ಗಳಿಗೆ 7 ವಿಕೆಟ್ ನಷ್ಟಕ್ಕೆೆ 167 ರನ್ ಗಳಿಸಿತು. ಈ ಕುರಿತು ಕಿಂಗ್ಸ್ ಇಲೆವೆನ್ ಪಂಜಾಬ್ ಟ್ವೀಟ್ ಮಾಡಿದೆ.

ಈ ಪಂದ್ಯದಲ್ಲಿ ಮೆಲ್ಬೋರ್ನ್ ಸ್ಟಾರ್ಸ್ 22 ರನ್ ಗಳಿಂದ ಜಯ ಸಾಧಿಸಿತ್ತು. ಗುರುವಾರ ಕೋಲ್ಕತಾದಲ್ಲಿ ನಡೆದಿದ್ದ 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಹರಾಜು ಪ್ರಕ್ರಿಯೆಯಲ್ಲಿ 62 ಆಟಗಾರರು ಎಂಟೂ ಫ್ರಾಂಚೈಸಿಗಳ ಪಾಲಾಗಿದ್ದಾರೆ. 15.50 ಕೋಟಿ ರೂ. ಗಳಿಗೆ ಕೋಲ್ಕತಾ ನೈಟ್ ರೈಡರ್ಸ್ ಪಾಲಾದ ಪ್ಯಾಟ್ ಕಮಿನ್ಸ್ ಅತ್ಯಂತ ದುಬಾರಿ ವಿದೇಶಿ ಆಟಗಾರರಾದರು. ಸಹ ಆಟಗಾರ ಗ್ಲೆೆನ್ ಮ್ಯಾಕ್ಸ್‌‌ವೆಲ್ 10.75 ಕೋಟಿ ರೂ. ಗಳಿಗೆ ಪಂಜಾಬ್ ಪಾಲಾದರು. ಮೂರು ವರ್ಷಗಳ ನಂತರ ಅವರು ಮತ್ತೆ ಇದೇ ತಂಡಕ್ಕೆೆ ಮರು ಸೇರ್ಪಡೆಯಾಗುತ್ತಿದ್ದಾರೆ. 6.75 ಕೋಟಿ ರೂ.ಗಳಿಗೆ ಚೆನ್ನೈ ಸೂಪರ್ ಕಿಂಗ್ಸ್ ಪಾಲಾದ ಪಿಯೂಷ್ ಚಾವ್ಲಾ ಭಾರತದ ಅತ್ಯಂತ ದುಬಾರಿ ಆಟಗಾರ ಎಂಬ ಹಿರಿಮೆಗೆ ಪಾತ್ರರಾದರು.